«ԷԲԲՈՏՏ» դեղագործական ընկերության կազմակերպած սատելիտային սիմպոզիումը սրտաբանների IX վեհաժողովի շրջանակում

Մայիսի 16-ին ՀՀ ԱՆ Առողջապահության ազգային ինստիտուտում կայացավ սրտաբանների IX վեհաժողովի շրջանակում կազմակերպված «ԷԲԲՈՏՏ» դեղագործական ընկերության սատելիտային սիմպոզիումը: Զրուցեցինք  ընկերության բժշկական ներկայացուցիչ Աննա Ասլիզադյանի հետ:

–    Աննա, ներկայացնեք, խնդրեմ, ձեր ընկերության ուղղվածությունը, և թե ի՞նչ թեմաներ են քննարկվել սիմպոզիումի շրջանակում:

	Աննա Ասլիզադյան «ԷԲԲՈՏՏ» դեղագործական ընկերության բժշկական ներկայացուցիչ

–    «ԷԲԲՈՏՏ» ընկերությունը հայտնի է ամբողջ աշխարհում որպես վստահելի  դեղագործական ընկերություն: Այսօր  արդեն ընկերությունն  իր 125 ամյակն է նշում, իսկ 2012 թ. հայաստանյան ներկայացուցչությունն արդեն տոնել է իր գործունեության 10-ամյակը: Ընկերության ուղղվածությունները շատ են, դեղամիջոցներ է արտադրում գաստրոէնտերոլոգիայի, նյարդաբանության, գինեկոլոգիայի, սրտաբանության և բժշկության մի շարք այլ ոլորտներում:  Կոնֆերանսին ներկայացվեցին սրտաբանության ոլորտում արդեն լայն կիրառում ստացող դեղամիջոցներ, ինչպես օրինակ` «ֆիզիոտեզ»-ը, «Տրայկոր»-ը, «Տարկա»-ն, «Օմակոր»-ը և այլն: «Տրայկորը» Հայաստանում գրանցված միակ ֆենոֆիբրատն է, իսկ «Օմակորը»` Օմեգա 3 պարունակող միակ դեղամիջոցը: Փաստորեն ներկայացրել ենք Հայաստանում նմանակը չունեցող դեղամիջոցներ:

Զեկույցի մանրամասների մասին զրուցեցինք թեման ներկայացնող ԵՊԲՀ Մուրացան համալսարանական հիվանդանոցի Սրտաբանության և ինտենսիվ թերապիայի կլինիկայի ղեկավար Արմեն Փիրուզյանի հետ:

–    Ի՞նչ նպատակ էր հետապնդում Ձեր ներկայացրած զեկույցը:

–    Նպատակը զարկերակային հիպերտենզիայի ադեքվատ հսկողության կազմակերպումն է: Հետաքրքիր է այն, որ «ԷԲԲՈՏՏ» ընկերությունը ներկայացնում է նոր ֆիքսված համակցություն, նոր դեղաձև, որը մեր հայկական դեղագործական շուկայում նորույթ է: Խոսքը «Տարկա» դեղամիջոցի մասին է:

ԵՊԲՀ Մուրացան համալսարանական հիվանդանոցի Սրտաբանության և ինտենսիվ թերապիայի կլինիկայի ղեկավար Արմեն Փիրուզյանի հետ

–    Իսկ ի՞նչ առաջընթաց, ինչպիսի նվաճումներ եք նկատում սրտաբանության ոլորտում:

–    Օ˜, սա շատ ծավալուն հարց է: Սրտաբանությունը շատ արագ քայլերով է զարգանում, եթե հաջողությունների և նվաճումների մասին խոսենք, ապա դրանք բազմաթիվ են, առանձնացնելը դժվար կլինի: Եթե մասնավորեցնենք զարկերակային հիպերտենզիայի ադեքվատ հսկողության շուրջ ձեռքբերումները, ապա պետք է ասել, որ պարբերաբար նոր դեղախմբեր են ներկայացվում, մասնավորապես` ռենինի ուղղակի պաշարիչները, նոր ոչ դեղորայքային մոտեցումները:

Զրուցեցինք նաև սիմպոզիումի բանախոս «Էրեբունի» բժշկական կենտրոնի անհետաձգելի սրտաբանության կլինիկայի ղեկավար, բ.գ.թ. Վիկտոր Տեր-Գրիգորյանի հետ:

«Էրեբունի» բժշկական կենտրոնի Անհետաձգելի սրտաբանության կլինիկայի ղեկավար, բ.գ.թ. Վիկտոր Տեր-Գրիգորյանի հետ

–    Ձեր զեկույցը նվիրված էր հայկական դեղագործական շուկայում դեռևս նորույթ «Օմակորին», ի՞նչ կառանձնացնեք դեղամիջոցին վերաբերող:

	Սվետլանա Գրիգորյան Սրտաբանության ԳՀԻ Առիթմոլոգիայի բաժանմունքի վարիչ, բ.գ.դ., պրոֆեսոր

–    «Օմակորը» կիսաչհագեցած լիպիդ է, որը վայրկյանական ազդեցություն է թողնում գրեթե ամբողջ օրգանիզմի վրա` չունենալով որևէ կոմնակի ազդեցություն և, ինչպես ցույց են տալիս արտասահմանյան մի շարք հետազոտություններ, նրանք աննկարագրելիորեն ազդում են տրիգլիցերիդների նվազման վրա: Հատկապես Հայաստանում սա շատ կարևոր երևույթ է, քանի որ մենք բոլորս ավելի շուտ տրիգլիցերիդային խմբակցություններ ունենք մեր օրգանիզմում, քան խոլեսթերինային: Թերևս սա լավագույն դեղամիջոցներից է, որ կարող է ազդել  տրիգլիցերիդների  վրա, ընդ որում, չունենալով որևէ կողմնակի ազդեցություն: Մեծ առավելություն է նաև, որ «Օմակոր»-ը քիմիական միացություն չէ:

Մեր հաջորդ զրուցակիցն է սիմպոզիումի բանախոս, Սրտաբանության ԳՀԻ Առիթմոլոգիայի բաժանմունքի վարիչ, բ.գ.դ., պրոֆեսոր Սվետլանա Գրիգորյանը:

–    Ինչի՞ն էր նվիրված Ձեր զեկույցը:

–    Զեկույցը նվիրված էր գերքաշ ունեցող հիվանդներին, ովքեր տառապում են ճնշման բարձրացումով և դրան զուգահեռ ունենում են նկատելի մետաբոլիկ խանգարումներ։ Նման դեպքերում, իհարկե դեռևս խոսք չի գնում  շաքարային դիաբետ հիվանդության մասին, բայց խոսում է շաքարի հանդեպ տոլերանտության մասին: Այդ իսկ պատճառով հակահիպերտենզիվ թերապիան պետք է ունենա իրեն հատուկ ցուցանիշները, այսինքն, բոլոր դեղամիջոցները, որ նշանակվում են, պետք է ունենան կամ դրական, կամ` այնուամենայնիվ, ոչ բացասական ազդեցություն:  Ֆիզիոտեզը այն յուրահատուկ դեղամիջոցներից է, որը համապատասխանում է իմ նշած չափանիշներին:

«ԷԲԲՈՏՏ» դեղագործական ընկերության կազմակերպած սատելիտային սիմպոզիումը սրտաբանների IX վեհաժողովի շրջանակում

Մեր զրուցակիցը «ԷԲԲՈՏՏ» դեղագործական ընկերության սատելիտային սիմպոզիումի նախագահ, Ընտանեկան բժիշկների հայկական ասոցիացիայի նախագահ,  Սրտաբանության ԳՀԻ տնօրեն, բ.գ.դ. Սամվել Հովհաննիսյանն է:

	Սամվել Հովհաննիսյան Ընտանեկան բժիշկների հայկական ասոցիացիայի նախագահ,  Սրտաբանության ԳՀԻ տնօրեն, բ.գ.դ.

–    Պարոն Հովհաննիսյան, ո՞րն է այսօրվա սիմպոզիումի նպատակը և ի՞նչ կարևորություն ունի այն:

–    Սիրտ-անոթային հիվանդություններն  ամենատարածվածն են, ամբողջ աշխարհում, և մեր երկրում նույնպես, մահացության 50%-ից ավելին բաժին է ընկնում սրտանոթային հիվանդություններին: Հենց այս տեսակետից խնդիրը շատ արդիական է: Հասարակությունն ամբողջ աշխարհում ավելցուկային քաշից ինտենսիվորեն անցնում է գիրության: Սա սիմպոզիումում քննարկված երկրորդ կարևորագույն խնդիրն է: Հաջորդը կանխարգելման խնդիրն է: Ինչպես ասացինք, մահացության տոկոսները շատ բարձր են, և զուտ բուժական միջամտությունները չեն  կարող բերել դրանց նվազեցմանը, այստեղից հետևում է, որ մինչև բուժմանը վերաբերող քննարկումները, հարկավոր է վերադառնալ և սկսել կանխարգելման խնդրից:

Հարցեր, պատասխաններ, մեկնաբանություններ