Ինչպե՞ս որոշել օրգանիզմի առողջական վիճակը ոտնաթաթերի օգնությամբ. armeniamedicalcenter.am

Այտուցված ոտնաթաթեր

Երբեմն ոտնաթաթերի այտուցը երկար ժամանակ կանգնելու, անհարմար դիրքով անշարժ նստելու կամ անհամապատասխան կոշիկ կրելու հետևանք է: Բայց եթե այտուցվածությունը չի անցնում 2-3 օրվա ընթացքում, անհրաժեշտ է դիմել բժշկի:

Ոտնաթաթերը բավականին հեռու են գտնվում սրտից, այդ պատճառով հենց այդտեղ են հաճախ խնդիրներ լինում կապված արյան շրջանառության հետ: Այտուցը կարող է լինել նաև օրգանիզմում հեղուկի կուտակման հետևանք՝ սրտի հիվանդությունների, երիկամային
կամ լյարդային անբավարարության պատճառով:

Սառը ոտնաթաթեր

Դա կարող է լինել պարզապես ցրտից, բայց նաև ի հայտ գալ արյան վատ շրջանառության պատճառով, նստակյաց ապրելակերպի հետևանքով:

Արյան վատ շրջանառությունը կարող է անգամ կարճ ժամանակահատվածում նպաստել թրոմբների առաջացման, վահանագեղձի աշխատանքի խանգարման, Ռեյնոյի հիվանդության, ծայրամասային նեյրոպաթիաների:

Արյան վատ շրջանառության նշաններից է նաև ոտքերի մատներին և ոտնաթաթերի մաշկին աղվամազի բացակայությունը:

Եթե ոտքերը մշտապես սառն են, դա կարող է լինել նաև հիպոթիրեոզի հետևանք, որը հաճախ դիտվում է 40-ից բարձր տարիքում, արտահայտվում է նաև քրոնիկ հոգնածությամբ, մազաթափությամբ, քաշի ավելացումով, դեպրեսիայով և այլն:

Բուրող ոտքեր

Ոտնաթաթերի վրա տեղակայված են քրտնագեղձեր, որոնք կարող են տհաճ հոտ արձակել:

Եթե մշտապես առկա է թթու հոտ, հավանաբար առկա է նաև հիպերհիդրոզ: Պետք է հաճախ փոխել գուլպաները, լվանալ ոտքերը, օգտագործել տալկ կամ մանկական ցանափոշի:

Երբեմն վատ հոտը կարող է սնկային հիվանդության հետևանք լինել:

Ծակծկոց կամ ցավ ոտնաթաթերում

Ծակծկոցը կամ թմրածությունը ոտնաթաթերում, որը ուժեղանում է գիշերը, վիտամինային անբավարարության հետևանք է՝ Բ 12 կամ ֆոլաթթու: Այս ախտանիշը դիտվում է նաև շաքարի մակարդակի բարձրացման դեպքում:

Ոտնաթաթերի նվվացող ցավը՝ հոգնած ոտքերի ախտանիշ, հաճախ օրգանիզմում երկաթի պակասի հետևանք է:

Կապտավուն ոտնաթաթեր

Ոտնաթաթերի կապտավուն երանգը արյան մեջ թթվածնի ցածր մակարդակի հետևանք է, որը կարող է լինել որևէ քրոնիկ հիվանդության ժամանակ /սրտի, թոքերի հիվանդություններ/:

Ոտքերի դեղնավուն կամ դեֆորմացված եղունգներ

Եթե ոտքերի եղունգները սեղմված են մատներին, դա կարող է երկաթի պակասի նշան լինել, անգամ՝ անեմիայի: Դեղնավուն եղունգները երբեմն սնկային ախտահարան մասին են խոսում:

Ցնցվող ոտնաթաթեր

Ցնցումները ոտքերում և ոտնաթաթերում լինում են բոլորի մոտ, դրա պատճառը կարող է լինել լուրջ խնդիրներից մինչև աննշանը /սխալ սնունդ, ջրազրկում/: Եթե ակտիվ սպորտով զբաղվելու դեպքում քիչ հեղուկ է օգտագործվում, դա կարող է կծկումներ առաջացնել մկաններում: Ոտքերում ցնցումները կարող են լինել նաև կալիումի, մագնեզիումի կամ կալցիումի պակասի դեպքում:

Թեթևացում կարող են բերել ոտքերի տաք լոգանքը, ոտքերի մատների ձգումը՝ մատների բարձրացումը դեպի վեր:

Վերքեր ներբաններին

Այս ախտանիշը կարող է լինել դիաբետի ժամանակ: Շաքարի բարձր քանակը վնասում է ոտնաթաթերի նյարդերը և անգամ փոքր վնասվածքը կարող է բորբոքվել: Չապաքինվող վերքը կարող է նաև մաշկի քաղցկեղի դեպքում առաջանալ:

Հարցեր, պատասխաններ, մեկնաբանություններ