Հարգելի Metaksya, բարև Ձեզ: Ինչպես նշել էի նախորդ պատասխանում  ցավի պատճառ կարող է լինել նաև մեխանիկական տրավման: Շատ լավ է, որ դիմել եք բժշկի և հետազոտվել եք: Ըետ Ձեր նկարագրածի,  Ձեզ մոտ խնդիր  չկա, հետևաբար որևէ բուժման կարիք չկա: Ծորանների քիչ լայնացումը վտանգավոր չէ: Հարկավոր է ուղղակի ավելի հարմարավետ կրծկալ հագնել, առանց մետաղական մասերի, բնական կտորից պատրաստված, շատ կարևոր է ճիշտ չափ ընտրելը: Անպայման հանեք կրծկալը քնելուց առաջ:

Հարգելի Լենա, բարև Ձեզ: Ֆիբրոադենոման կրծքագեղձի բարորակ նորագոյացություն է, որն առաջանում է հորմոնալ խանգարումների ժամանակ: Հղիության ընթացքում կարող է նկատվել ֆիբրոադենոմային մեծացում, եթե մեծացոււմը զգալի է հնարավոր է վիրահատության կարիք լինի հենց հղիության ժամանակ:  Ձեզ մոտ ֆիբրոադենոմայի չափերը մեծ չեն, կարծում եմ հղիության ընթացքում ավելի մեծացում չի նկատվի: Ինչ վերաբերում է բուժմանը, գերակշռող դեպքերում վիրահատական է: Ծննդաբերությունից հետո, կախված ֆիբրոադենոմայի տեղակայումից կարող է խանգարել կրծքվ կերակրմանը: Որպես կանոն կերակրման ընթացքում ֆիբրոադենոմայի մեծացում չի նկատվում: Խորհուրդ կտայի լինել մամոլոգի հսկողության տակ: Բուժում ամեն դեպքում հարկավոր է, անկախ չափից: Ինչ վերաբերում է ՈՒՁՀ պատասխանին, օջախային փոփոխություն, նշանակում է հենց օջախային գոյացություն, որը Ձեր դեպքում ֆիբրոադենոման է:

Հարգելի Metaksya, բարև Ձեզ: Տեխնիկական պատճառներով Ձեր նախորդ հաղորդագրությունները մեզ չեն հասել: Եթե կա ցավ կրծքագեղձերում հարկավոր է անպայման պարզել պատճառը: Կրծքագեղձերում ցավ կարող է լինել հետևյալ պատճառներից. հորմոնալ խանգարումներ, մաստոպաթիա,  եթե ցավերն ունեն ցիկլիկ բնույթ, ֆիբրոադենոմա, կիստա, մեխանիկական տրավմա, ի վերջո ուռուցք: Հնարավոր է փոքր գոյացության դեպքում չկարողանաք շոշափեք: Հարկավոր է նախ դիմել բժիշկ մամոլոգի, որից հետո եթե կարիք լինի կրծքագեղձի ՈՒՁՀ: Անուշադրության մատնելով կամ վախի պատճառով միայն կվնասեք Ձեր առողջությանը:

Հարգելի Inga, բարև Ձեզ: Դուք նշում եք, որ ցավեր կան նաև թիկունքի հատվածում, ամենայն հավանականությամբ ցավերը կրծքերի հետ կապված չեն, բացի այդ եղել է նյարդային լարվածություն, այսինքն ծակոցների պատճառ կարող է լինել  նյարդային լարվածությունը: Եթե ծակոցները հաճախակի են, կան սրտխփոցներ, հևոց, հարկավոր է դիմել սրտաբանի: Ամեն դեպքում կարող եք ինքնուրույն շոշափել կրծքագեղձը: Եթե կշոշափեք որևէ օջախային գոյացություն, շոշափումը կլինի ցավոտ, հարկավոր է դիմել մամոլոգի:

Հարգելի Liana, բարև Ձեզ: Կարևոր է ցավերի բնույթը, ճառագայթում են, թե ոչ, կապված են դաշտանային ցիկլի հետ, թե ոչ: Ցավերը կարող են ընդհանրապես կապված չլինել կրծքերի հետ: Դուք կարող եք ինքնուրույն շոշափել կրծքերը, եթե կշոշափեք որևէ գոյացություն, անկախ չափից հարկավոր է դիմել մամոլոգի:

Հարգելի Mariam, բարև Ձեզ: Դաշտանին նախորդող օրերին օրգանիզմում պրոլակտինի արտադրությունն ավելանում է, որի պատճառով կրծքերում առաջանում է լցվածության զգացում, կրծքերը կարող են մեծանալ և սեղմելիս քիչ ցավոտ լինել: Եթե գոյացություն չեք շոշափում, և ցավը միայն դաշտանին նախորդող օրերին է, անհանգստանալու կարիք չկա:

Հարգելի Syuzanna, բարև Ձեզ: Կաթնարտադրությունը դադարեցնելու համար կան դեղեր: Դրանք նշանակում է միայն բժիշկը: Կարող եք դիմել Ձեր տեղամասային գինեկոլոգին: 

Հարգելի Nana, բարև Ձեզ: Խորհուրդ կտայի ևս մեկ անգամ անցնել կրծքագեղձի ՈՒՁՀ, նաև տվյալ հատված ավշային հանգույցները, վերջնականապես համոզվելու համար, որ կրծքգեղձում վտանգավոր ոչինչ չկա: Եթե ամեն ինչ նորմալ լինի, ցանկալի է նաև նյարդաբանի խորհրդատվություն, միգուցե ցավի պատճառը տվյալ հատված միջկողային նյարդերի բորբոքումն է:

Հարգելի Syuzanna, բարև Ձեզ: Նման դեպքում հարկավոր է նախ հեռացնել կուտակված կաթը, ինչքան հնարավոր է: Դրա համար խորհուրդ է տրվում կատարել կրծքագեղձերի մերսում, շրջանաձև շարժումներով: Դրանից հետո հարկավոր է կթել ինչքան հնարավոր է, ցանկալի է նաև հատուկ սարքով: Բացի այդ կարող եք նաև դնել կոմպրեսներ կրծքին քամփուրի յուղով: Թրջեք  թանզիֆը յուղով և դրեք կրքին, այնեպս որ ամբողջությամբ ծածկվի, վրայից  պոլիէթիլենային տոպրակ: Ցանկալի է, որ մնա մի քանի ժամ: Իհարկե պարզ է, որ այս ընթացքում կրծքով կերակրել չի կարելի:

Հարգելի Greta, բարև Ձեզ: Դուք կարող եք ինքնուրույն շոշափել կրծքագեղձերը: Ձեր տարիքում ավելի հավանական է ֆիբրոադենոմայի, կիստայի, մաստոպաթիայի առաջացումը: Խորհուրդ կտայի մամոլոգի կոնսուլտացիա անցնել և կրծքագեղձի ՈՒՁՀ: