Վերջին տարիներին տուբերկուլյոզով հիվանդացությունը Հայաստանում և ողջ աշխարհում կտրուկ բարձրացել է։ Առավել հաճախ այն ախտահարում է շնչառական համակարգը և հենց այս ձևն էլ առավել վտանգավոր է վարակի առումով։ Տուբերկուլյոզի հարուցիչներ կան ամենուր։ Շատ կարևոր է ժամանակին ճանաչել այս հիվանդությունը դեռ վաղ շրջաններում։

Տուբերկուլյոզի նշաները սովորաբար դժվար է ստույգ տարբերակել, քանի որ խիստ յուրահատուկ չեն, բայց երկար ժամանակ (ամիսներ) այդ նշանների առկայությունը թույլ է տալիս կասկածել տուբերկուլյոզի մասին։

• Դյուրհոգնելիություն, թուլություն,
• գլխացավեր,
• ախորժակի բացակայություն, քաշի կորուստ,
• քրտնոտություն,
• երկար ժամանակի ընթացքում մարմնի ջերմաստիճանի մերթընդմերթ բարձրացում մինչև 38° C,
• գունատություն,
• երեխաների մոտ ֆիզիկական զարգացման դանդաղում,
• ավշային հանգույցների մեծացում,
• մերթընդմերթ հազ։

Տուբերկուլյոզի կասկածի դեպքում անպայման դիմեք տուբերկուլյոզային դիսպանսեր՝ ստուգման նպատակով։

Տե'ս նաև "ՎԱՐԱԿԻՉ ՀԻՎԱՆԴՈՒԹՅՈՒՆՆԵՐ ԵՎ ՎԱՐԱԿԻ ԿԱՆԽԱՐԳԵԼՈՒՄ":

Առաջին օգնության հիմունքներ (Ինչպես գործել արտակարգ իրաիճակներում)
ՀԱՅԿԱԿԱՆ ԿԱՐՄԻՐ ԽԱՉԻ ԸՆԿԵՐՈՒԹՅՈՒՆ
Տեղեկատվություն. med-practic.com