Գոտկատեղի վնասվածքները հիմնականում կյանքի համար վտանգավոր չեն, սակայն կարող են լինել չափազանց ցավոտ, հանգեցնել ժամանակավոր անաշխատունակության։

Հաճախ գոտկատեղի հանկարծակի զարգացող սուր ցավի պատճառ կարող է լինել ստորև նկարագրված իրավիճակներից մեկը.

• Կապանների և մկանների ձգումը կամ պատռվածքը (կտրուկ շարժման, ծանրություն բարձրացնելու հետևանքով և այլն)։
• Ողների տեղաշարժ։ Ոլորող շարժումները կարող են իրենց տեղից դուրս գցել ողները։ Դրա հետևանքով ողնային ելուստները սեղմվում են այնպես, որ ճնշում են գործադրում նյարդի վրա։
• Միջողնային սկավառակի տեղաշարժ։ Ողները միմյանցից առանձնացնող աճառային սկավառակներից որևէ մեկի վրա ճնշումը կամ ողնաշարի ոլորումը բերում են սկավառակի արտանկման։ Նրա դուրս ցցված կենտրոնական հատվածը ճնշում է նյարդերը կամ ողնուղեղը՝ հաճախ առաջացնելով մկանների ջղակծկում։

ՆՇԱՆՆԵՐԸ

Ճնշող կամ սուր ցավ գոտկատեղում կամ ոտքում։ Կռանալու կամ ուղղվելու անկարողություն։

ԱՌԱՋԻՆ ՕԳՆՈԻԹՅՈԻՆԸ

Քանի որ գոտկատեղի վնասվածքների դեպքում ցուցաբերվող օգնությունը կախված է վնասվածքի բնույթից, տուժածը միշտ պետք է դիմի բժշկի։

Տե'ս նաև " ԳԼԽԻ ԵՎ ՈՂՆԱՇԱՐԻ ՎՆԱՍՎԱԾՔՆԵՐ":

Առաջին օգնության հիմունքներ (Ինչպես գործել արտակարգ իրաիճակներում)
ՀԱՅԿԱԿԱՆ ԿԱՐՄԻՐ ԽԱՉԻ ԸՆԿԵՐՈՒԹՅՈՒՆ
Տեղեկատվություն. med-practic.com