ԼՈՒՐԵՐ: Սնունդը և առողջությունը
Սալոր
Սալորի մի քանի տեսակներ կան` կարմիր, դեղին, կապույտ, եւ այլն: Համեղ այս միրգը բուժիչ հատկանիշներով է օժտված: Սալորի հայրենիք է համարվում Կովկասը, Միջին Ասիան, Պարսկաստանը, Եգիպտոսը:
Սալորը օրգանիզմից հեռացնում է մաղձը` լեղին, եւ միզամուղ հատկություն ունի: Մեր օրգանիզմը մաքրում է, հեռացնում է ավելորդ ջուրը եւ աղը: Սալորը խորհուրդ է տրվում ուտել հատկապես գաստրիտ, ստամոքսի խոց եւ տասներկումատնյա աղիի հետ կապված հիվանդություն ունեցող մարդկանց, ինչպես նաեւ նրանց, ովքեր սակավարյունությամբ են տառապում: Սալորը օրգանիզմի համար հրաշալի պրոֆիլակտիկ միջոց է:
Սալորը նաեւ խորհուրդ է տրվում նրանց, ովքեր փորկապություն ունեն: Փորկապությունը շատ արագ թուլացնում է: Դրա համար նման խնդիրների դեպքում օրական (առավոտյան` սոված ստամոքսին եւ օրվա ընթացքում` չխառնելով այլ սննդի հետ) պետք է ուտել 10-12 սալոր: Թարմ սալորի քամած հյութը կարգավորում է ստամոքսի թթվայնությունը: Սալորը օրգանիզմից հեռացնում է ավելորդ հեղուկը եւ վերացնում այտուցները: Սալորի մեջ ֆրուկտոզաներ եւ սախարոզաներ (բուսաշաքար) են պարունակվում:
Հասած սալորի մեջ ավելի շատ հանքային նյութեր կան, քան խնձորի եւ տանձի մեջ: Սալորը նաեւ մեծ քանակությամբ կալիում, ֆոսֆոր, նատրիում, կալցիում եւ պեկտին է պարունակում: Պեկտինն, ի դեպ, շատ կարեւոր է հատկապես նյութափոխանակության կարգավորման համար, օրգանիզմում նվազեցնում է խոլեստերինի քանակությունը, կարգավորում է արյան շրջանառությունը, եւ ամենակարեւորը, այն կենդանի օրգանիզմը լավագույնս մաքրում է վնասակար նյութերից: Պեկտինն, ըստ մասնագետների, օրգանիզմի բնական սանիտարն է, որը մաքրում է ծանր մետաղների աղերը, քաղցկեղածին նյութերը:
B2 վիտամինի մեծ պարունակություն կա հատկապես սեւ սալորի մեջ. այս վիտամինն անհրաժեշտ է հատկապես նյարդային համակարգի ամրացման, սպիտակուցային փոխանակման համար: Նաեւ վիտամին P է պարունակվում, որը նպաստում է արյան մանր անոթների անցանելիությանը, եւ իջեցնում է արյան ճնշումը:
Ապացուցված է, որ սալորը, մասնավորապես` սալորաչիրը օգնում է օրգանիզմից վնասակար խոլեստերինի հեռացմանը, այդ իսկ պատճառով այն օգտակար է հատկապես այն մարդկանց, ովքեր տառապում են հիպերտոնիայով, աթերոսկլերոզով (սրտանոթների կարծրացման հիվանդություն) եւ լեղապարկի, ռեւմատիզմ հիվանդություններով: Պետք է հիշել, որ սալորահյութը հակացուցված է ստամոքսահյութի բարձր թթվայնություն ունեցող մարդկանց: Նորածին եւ փոքր տարիքի երեխաների մոտ սալորահյութը փորլուծություն եւ աղիներում` գազեր կարող է առաջացնել: Սալորն իր մեջ պարունակվող վիտամինների միջոցով նաեւ պայքարում է անքնության, հոգնածության դեմ, երիտասարդացնող եւ հակաինֆեկցիոն հատկություն ունի: Պրովիտամին (նախավիտամին) A-ի շնորհիվ լավացնում է տեսողությունը, օրգանիզմը պաշտպանում է տարբեր վիրուսներից, մաշկը լավացնում-էլաստիկ է դարձնում: K վիտամինի մեծ քանակության շնորհիվ սալորը նաեւ արյան բաղադրությունն է լավացնում, կանխում է տրոմբոզների առաջացումը:
Աշնանը կարող եք սալորով դիետա պահպանել` թեթեւ սննդակարգին (օրական` 1200 կկալորիա) միացնելով 200 գրամ թարմ սալոր: 10-15 օր այս դիետան պահելուց հետո ձեր օրգանիզմը կմաքրվի, մաշկը կլավանա եւ մի քանի կգ քաշ կգցեք:
Ժողովրդական բժշկության մեջ սալորը հաճախ է օգտագործվում: Մեծ քանակությամբ կալիում պարունակելու շնորհիվ հիպերտոնիայով եւ երիկամների հիվանդությամբ տառապողներին խորհուրդ է տրվում սալորի կոմպոտ խմել: Օրգանիզմը մաքրելու համար խորհուրդ է տրվում առավոտյան` սոված ստամոքսին, առանց շաքարավազի թարմ սալորահյութ խմել:
Միզափամփուշտի քարերի դեպքում խորհուրդ է տրվում օրը 2-3 անգամ 1-2 թեյի գդալ սալորենու բուսախեժ ուտել: Երիկամների քարերը եւս բուժում էին բուսախեժի օգնությամբ: 100 գրամ սալորենու բուսախեժը խառնել 1 լիտր սպիտակ գինու մեջ: Խեժն ամբողջությամբ պետք է լուծվի գինու մեջ: Ստացված լուծույթն օգտագործեք օրը 3-4 անգամ` ուտելուց կես ժամ առաջ եւ 50մլ չափով:
Գոտկատեղի ցավերի դեպքում սալորի 25 գրամ պոչերը փոշու պես մանրացրեք, վրան լցրեք 1 թեյի բաժակ (ոչ մեծ) օղի, պահեք 7 օր, ապա դրանով մերսեք ցավող հատվածները: Շատ օգտակար են նաեւ սալորի տերեւները: Թեեւ սալորի մեջ C վիտամին շատ չի պարունակվում, փոխարենն այդ վիտամինով եւ ֆիտոցիդներով հարուստ են սալորի տերեւները:
Տերեւներից եւ քացախից պատրաստված թուրմով մաքրում են հին թարախակալված վերքերը: Տերեւները նաեւ օգտագործում են վաղ մազաթափության դեպքում. 1 ճաշի գդալ մանրացված տերեւները եռացնել 1 բաժակ եռջրով, 1 ժամ թողնել եւ քսել մազարմատներին: Տերեւներից պատրաստված թուրմով նաեւ ողողում են բերանի խոռոչը (ստոմատիտի` բերանաբորբի դեպքում). 20 գրամ չոր տերեւները լցնել 1 թեյի բաժակ եռացրած ջրի մեջ, եռացնել եւս 15 րոպե, թողնել լավ սառչի եւ ողողել բերանը:
Լնդերի արյունահոսության դեպքում թարմ մանրացված տերեւները պետք է լցնել չոր կարմիր գինու մեջ, 3 շաբաթ թրմել` ժամանակ առ ժամանակ խառնելով, ապա քամել եւ դրանով ողողել բերանը, լնդերը: Սալորը նաեւ երկաթ, յոդ, ցինկ է պարունակում: Ի դեպ, հնում սալորի ցողունի խեժը նաեւ օգտագործել են խոցի, կոնյուկտիվիդի բորբոքման եւ տեսողության լավացման համար:
Հասած սալորի մեջ սախարոզաների քանակն ավելանում է: Սալորի տարբեր տեսակներ պարունակում են 0,1-2,7 մգ/100գրամ կարոտին (նախավիտամին A): Դրանով հարուստ են հատկապես դեղին տեսակները: Սալորը մանդարինից, նարնջից, տանձից, բալից եւ այլ մրգերից առանձնանում է վիտամին E-ի մեծ քանակությամբ: Իհարկե, այդ իմաստով զիջում է դեղձին եւ մասուրին: Իսկ վիտամին E-ն նաեւ երիտասարդության բնական աղբյուր է համարվում:
08.09.2010 Կարդացեք նաև
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
-
«Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
-
Ժողովրդական դեղամիջոցներ
-
Հղիություն. 4-րդ ամիս
-
Հղիություն. 7-րդ ամիս
-
Կոճապղպեղ նույնն է՝ իմբիր, Ginger եւ Zingiber Officinale
-
Հղիություն. 6-րդ ամիս
-
Ամուսնական առաջին գիշերը
-
Հղիություն. 2-րդ ամիս
- 4-7 ամսական երեխաների սնուցումը
-
Խնձորը` պզուկների դեմ. ազատվիր նրանցից 1 գիշերվա ընթացքում
-
Ընկերության մասին
-
Ինչպես ազատվել անցանկալի մազերից
-
Դդում
-
Պարզվում է ապագա երեխայի սեռը կախված է մայրիկի սնունդից
-
Հիվանդություն, որը փոխում է մեր կյանքը` կրծագեղձի քաղցկեղ
-
Կոճապղպեղ՝ նիհարելու համար (կոճապղպեղի թեյ)
-
Սեռական գրգռում
-
Արգանդի միոմա. նախանշանները, պատճառներն ու բուժումը
-
Հղիություն. 1-ին ամիս
-
Չիչխանի օգտակար հատկությունները
-
Երիցուկ դեղատնային - Ромашка аптечная - Matricaria chamomilla L.
-
Քարավուզ (նույն ինքը՝ նեխուր)
-
Հեշտոցային արտադրության պատճառները. մասնագետի անդրադարձը
-
Ինչպես ազատվել բերանի վատ հոտից`պարզ միջոց
-
Կրծքի ցավե՞ր ունեք. ինչ անել
-
Դիմակներ` մազերի համար
-
Ընդհանուր տեղեկություններ մարմնի համակարգերի մասին
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
- Խոսենք այդ մասին. ձեռնաշարժություն
-
Հիվանդություն, որի համար պետք չէ ամաչել (թութք)
-
Ընտրություն ըստ հորոսկոպի
-
Հղիությունը և նախապատրաստվելը դրան
-
Հղիություն. 9-րդ ամիս
-
Երբ գլխացավն ախտանիշ է: Հանճարեղ և օժտված մարդկանց հիվանդություն
- Շաքարային դիաբետի բուժման ժամանակակից մոտեցումները
-
Լեղաքարային հիվանդություն. բուժման մեթոդները
-
Սեռական թուլության առաջին նախանշանները. news.am
-
Հղիություն. 8-րդ ամիս
-
Ուլտրաձայնային դոպլերոգրաֆիա (երկակի (դուպլեքս) անոթների)
- Ցերվիցիտի (էնդոցերվիցիտի) կլնիկաձևաբանական բնութագիրը (գրական ակնարկ)















Գիտական բժշկություն
Հիվանդություններ
Ավանդական բժշկություն
Առողջ ապրելակերպ
Կոսմետոլոգիա
Բժշկական իրավունք
Ալգորիթմեր, թեստեր
Թվեր, փաստեր, դեպքեր
Պատմական խրոնիկա
Աֆորիզմներ
Կարիերային սանդուղքով
Երեխա
Կին
Տղամարդ
Ռեյթինգային համակարգ