Կանայք ավելի շատ ինքնասպանության փորձ են անում, տղամարդիկ ավելի շատ ինքնասպան լինում

Հոգեբան Արմեն Խուդոյանը և հոգեթերապևտ Արմեն Ներսիսյանն այսօր լրագրողների հետ հանդիպման ժամանակ խոսեցին Հայաստանում վերջին շրջանում առավել հաճախ դիտվող երևույթի` ինքնասպանությունների պատճառի, հետևանքների, կանխարգելման հնարավորությունների շուրջ:

Հոգեբանի կարծիքով, ինքնասպանությունների թիվը չի ավելացել է, ուղղակի սկսել են շատ գրել այդ մասին, միաժամանակ չբացառեց, որ վերջին շրջանում այնուամենայնիվ դիտվում է ինքնասպանությունների թվի աճ, իսկ պատճառները տարբեր են: Հոգեբանի խոսքով, կան որոշ երկրներ կամ շրջաններ, որտեղ ինքնասպանություններ առավել հաճախ են դիտվում, սակայն որևէ օրինաչափություն չկա և ինքնասպանությունները կապ չունեն սոցիալական որևէ շերտի հետ:

Ինքնասպանությունը անհատն ընտրում է որպես փախուստ, սովորաբար նրանք ունենում են ալկոհոլի հակում ունեցող, գիտակցության խանգարման հակում ունեցող անձինք, իսկ ինքնասպանությունը դա ծայրահեղ ձև է և գալիս է անելանելի վիճակից, գոյության ճգնաժամից: Հոգեբանը շեշտեց, որ այսօր բացակայում է հոգեբանական խնդիրների պարագայում համապատասխան մասնագետի դիմելու մշակույթը:

«Այսօր հասարակության մեջ անտարբերություն է նկատվում և դառնում է չարիք, ինքնասպանություն հիմնականում գործում են, երբ անհատն իր կյանքը իմաստազրկված է համարում»,- ասաց հոգեթերապևտ Արմեն Ներսիսյանը: Այս պարագայում, ըստ բժշկի, կարևոր է ընկերների և բարեկամների հետ շփումները. ինքնասպանության մտքեր շատերի մոտ է լինում, սակայն եսակենտրոն մտածողներն են դիմում ինքնասպանության, իսկ ընտանիքը, հարզատներին գնահատողն այդ քայլին չի դիմում:

Մասնագետը կարևորեց հավատը, որն անհատին չի մատնում մենակության և հուսահատության. որպես կանխարգելում` հոգուն ուղղված խոսք է հարկավոր: Բանախոսները փաստեցին նաև, որ կանայք ավելի շատ փորձ են անում, տղամարդիկ ավելի շատ են ինքնասպանություն գործում:

Հարցեր, պատասխաններ, մեկնաբանություններ